Diadomingo madruga a drenta informe di un accidente na rotonde di Noord direccion Kudawecha. Mesora a dirigi un patruya na e sitio. Na yegada di e patruya a bin compronde cu un auto lo a dal den un piedra grandi na banda di caminda, y e piedra grandi a dal den un Nissan March. Tambe piedra mas chikito a dal den un otro auto. E auto cu a dal den e piedra grandi a bandona e sitio. Polis a tuma datos di e accidente aki y departamento di trafico tin e caso aki bao investigacion.