Diabierna atardi a drenta informe di un accidente cu hende herida na Mandolinstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un Nissan March bruin bayendo nort a bay dal tras di un hoben riba scooter y a sigi bay sin para. Testigonan a mira ken tabata na stuur y a tuma e number di auto y a duna polis e detayenan aki. Na yegada di e ambulans nan a atende cu e victima y a transporte pa hospital. E team di joyriding a presenta pa asina investiga si e scooter lo por ta horta.