Diasabra atardi a drenta informe di un accidente hit & run banda di rotonde hospital, mesora a dirigi un patruya na e sitio. Mientras un otro auto a sigi e chauffeur te na un compleho di apartamento na Tanki Leendert, un otro patruya a ser dirigi eynan. Polis a logra haya sa den cual apartamento e ta kedando y a bay bati na e porta pero e chauffeur no kier a sali. Polis kier a tuna e auto den beslag pero como cu no tin lugar disponibel pa pone e auto polis a keda di bolbe na un otro ocasion pa atende cun’e. Tabata tin 2 turista den e taxi cu lo a resulta herida y a subi un otro taxi pa bay hospital pero ora polis a bay hospital a ser informa cu e 2 turistanan ey no a yega hospital mes.