Dialuna madruga a drenta informe di un mondi na candela band di e Santana na Paradera, mesora a dirigi polis y bombero na e sitio. Polis y bombero a presenta y a paga e candela pero pa casualidad of no un rato despues a drenta informe di un otro candela na un luga otro banda di caminda di e supermercado chines na Blumond, mesora a dirigi tanto polis como bombero na e sitio. Na yegada di e patruya a bin haya ex-Servimeca (lugar di reparacion di aparatonan domestico) na candela y a pidi pa bomberonan bini cu mas urgencia na e sitio. Na yegada di bombero a cuminsa cu un combate directo pa cual a solicita presencia di e “tankwagen” pa suministro di mas awa. Na final a logra domina y paga e candela por completo.