Diaranson mainta a drenta informe di un accidente entre un auto y un brommer na Savaneta, mesora a dirigi tanto polis como ambulans na e sitio. Na yegada di e patruya a bin compronde cu tanto e auto como e brommer tabata bayendo pabao den fila y e chauffeur di e Chevrolet Spark a sali for di e fila y no a mira e brommer ta bin y nan a dal den otro debi na e impacto y caida e motociclista a resulta herida. Na yegada di e ambulans nan a atende e victima y a transporte pa hospital.