Diaranson anochi a drenta informe di un accidente cu hende herida y pega den auto na Hooiberg. Mesora a dirigi polis, ambulans y brandweer na e sitio. Na yegada di e patruya a bin compronde chauffeur di un Mitsubishi Lancer shinishi lo a bira dilanti un auto preto y nan a accidenta. Den e impacto tur tres homber a resulta herida, dos den e auto preto y un den e auto shinishi. Na yegada di brandweer nan a logra saca e victima den e auto shinishi cu tabata pega den e auto. Na yegada di e ambulans nan a atende cu e victimanan cu tabata seriamente herida y a transportanan pa hospital.