Diadomingo madruga a drenta informe di un accidente cu hende herida dilanti nightclub na Noord, mesora a dirigi tanto polis como ambulans na e sitio. Na yegada di e patruya a in compronde cu e peaton a cruza caminda sin wak y un s.u.v. blauw a dal e peaton mand’e halto y a cay. E victima tabata sangrando for di su cabes y a pidi ambulans cu sumo urgencia. Ademas di a pidi presencia di e specialista di trafico, tambe e investigadornan technico y forensyco como tambe slachtofferhulp. Na yegada di e ambulans nan a atende e victima y a transporte pa hospital. E chauffeur a regresa na e sitio y testigonan a señala polis ta cual ta e auto y e chauffeur. Polis a test e chauffeur y ela surpasa e limite permiti pa stuur auto y a keda deteni.