Chauffeur cansa a baha caminda dal un auto staciona pusha esaki dal un otro auto staciona su dilanti

Diasabra anochi a drenta informe di un accidente na Seroe Blanco, mesora a dirigi un patruya na e sitio. Na yegada di e patruya a bin compronde cu aki ta trata di un accidente cu 3 auto envolvi unda un Toyota Yaris preto a bay dal riba un Ford Edge staciona y e impacto fuerte a manda e Ford Edge bay dal un Kia Rio tambe staciona. Afortunadamente ningun hende a resulta herida. Polis a test e chauffeur pero e chauffeur a supla net un strepi bao e nivel aunke ela admiti di a bebe pero segun su declaracion e tabata cansa.

Share:

Leave a Reply

Your email address will not be published.