Diahuebs atardi a drenta informe di un caso di tiramento dilanti un supermercado na Meiveld, mesora a dirigi patruyanan na e sitio. Bayendo na e sitio a bin compronde cu tin 2 auto di cual un ta un Kia Cerato bruin scur cual tin un hende sangrando y e otro ta un Honda Fit grijs den cual tin 3 persona aden cu ta bayendo su tras. Na yegada di e patruya a bin compronde cu tabata tin intercambio y na un dado momento un homber a keda alansa pa bala. E mes como chofer di auto a core su auto dirigiendo su mes na hospital pa ricibi promer ayudo. Na yegada di e patruya na hospital a haya e auto para net na e entrada na policlinica y den e auto polis a haya hopi sanger plama y tambe a haya un arma den su auto. Polis a confisca tanto e arma como e auto pa mas investigacion. Polis na Meiveld a busca mas informacion y a busca e testigonan. For di camaranan di seguridad polis por a nota cu tanto e persona den e Kia Cerato como esunnan den e Honda Fit a saca arma y a los tiro. E caso ta bao investigacion.