Diamars merdia a drenta informe di un accidente cu hende herida dilanti Kiko Riko na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di pick-up no a regula su velocidad ni a mantene distancia a bay dal tras di e Toyota Tercel su dilanti. Debi na e fuerte impacto e chauffeur di e pick-up a drenta den shock. Na yegada di e ambulans nan a atende e victima y su situacion a bira stabiel.