Diasabra anochi drenta informe di cu hobennan na Bushiri Residence a sera caminda y tabata haci maniobranan cu scooter, mesora a dirigi un patruya na e sitio. na yegada di e patruya a bin compronde cu aki ta trata di cu nan tabata ocupa ta trahando un videoclip. Polis a papia cu esnan na e sitio y a bisa nan cu pa esey nan mester pidi permiso como cu e seramento di caminda ta perhudica varios habitante di e residencia pa yega of bay for di e sitio.
