Diaranson anochi a drenta informe di un atraco arma na Palm Beach. Mesora a dirigi varios patruya na e sitio. Na yegada di e patruya a bin compronde cu aki ta trata di un atraco unda un sospechoso lo a saca un objeto skerpi riba un turista. Aki e sospechosonan a logra bai cu un cartera blanco y yabi di e V-wagen cu nan tabata tin. Polis a core den e area pa asina buska e sospechosonan pero no a logra topa cu nan. Polis a compronde cu e victima lo no por a yama polis dibiaha pasobra nan no tabata tin connexion di celular.

version policial:

—Cuerpo Policial ta Informa—-

Diaranson anochi pasa di 9or central di polis ta wordo notifica di un atraco den e area turistico, ariba dos turista den un parkeerplaats banda di Dunkin Donuts. Ta despacha patruya di polis di biaha na e sitio di e sucedido.
Na yegada di e patruya ta bin topa cu un pareha mexicano. Nan ta conta na e agentenan policial cu un rato prome dos homber lo mester a atracanan uzando un icepick. Un di e homber tabata bisti na flanel blanco y carson preto y tabata color scur. E otro homber nan no por a wak bon.
E atracadornan a logra bay cu un cartera conteniendo dollars y pesos como tambe caarchi di credito y debito.
E atracadornan a huy na pia direcion zuid.
Departamento di Atraco Team a presenta na e sitio pa asina haci nan investigacion. Tambe departamento di slachtofferhulp a presenta pa duna asistencia na e turistanan.

Cuerpo Policial ta haci un apelacion pa es cu sa algo of a wak algo pa yama e tiplijn di polis cu ta 11141. Bo ta keda anonimo.