Diahuebs madruga algun minuut despues di 4’or a sosode un storing den un transformador di suministro interno den planta di WEB. Esaki consecuentemente a saca un transformador mas grandi cu ta conecta riba e substacion di WEB for di servicio, cual riba su turno posiblemente a yega na 2 feeder di ELMAR. Un investigacion lo tuma lugar pa saca afo e causa di e fayo. E storing a causa interupcion di suministro di coriente pa diferente bario rond nos isla. Team di WEB a tuma accion mesora na momento di e sucedido pa asina acelera e proceso di recuperacion di suministro. Pa 4:45 AM ELMAR a comunica cu e barionan afecta a recupera suministro di coriente. WEB ta consciente di e molester cu e interupcion a causa y ta ofrece nos sincero disculpa pa esaki.