Despues di cu den oranan di mainta a drenta informe di ladronicia di 3 brommer/scooter na Palm Beach, den oranan di merdia a drenta informe di cu tin algun hoben lo ta torno un scooter horta na altura di Bushiri. Mesora varios patruya a bay den e area di Bushiri y a mira 4 hoben ta core bay den direccion di Madiki. Polis a bay nan tras y a logra gara un y a detene. Un rato despues a bin top cu un di e otronan cu a core bay tambe y esey tambe a ser deteni. Den e area ey a logra haya scooternan horta y a confisca esakinan pa mas investigacion.