![](https://www.awe24.com/wp-content/uploads/2020/02/00000.00_51_23_13.Still085-668x334.jpg?v=1581782795)
Diasabra mainta a drenta informe di un accidente cu hende herida banda di Flatstone Ballpark, mesora a dirigi tanto polis como ambulance pa e sitio. Na yegada di e patruya a bin constata cu aki ta trata di un accidente unda cu un chauffeur lo a desvia di un autop cu a subi caminda sin dune preferencia y pa causa di esaki ela baha caminda na man robez y dal den un mata di kwihi. Polis a constata tambe cu e chauffeur di e van cu a subi caminda sin duna preferencia lo tabata na telefon y mitar riba caminda den e crusada y no a pone atenshon poniendo bida di otro na peliger.
Ambulance a presenta na e sitio y a duna asistencia medico na e chauffeur di e auto cu a dal den e mata di kwihi cu a keda levemente herida.