Diadomingo atardi a drenta informe di un accidente cu hende herida pabao di La Granja na Savaneta, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Lexus s.u.v. a perde control baha caminda y a bay dal net riba e molina pa awa di Pos Chikito. Debi na e fuerte impacto e molina completo a cay y e chauffeur a resulta herida. Na yegada di e ambulans nan a atende e victima na e sitio mes.