![](https://www.awe24.com/wp-content/uploads/2020/02/CA2F0506-1D6D-4EA6-B79F-B0B345FE4CC1-640x334.jpeg?v=1582070229)
Diamars atardi a drenta informe di un accidente cu hende herida banda di Cas di Cultura na Vondellaan, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Nissan Tiida no a regula su velocidad ni a mantene distancia a bay dal tras di e Toyota Corolla. E impacto tabata uno minimo unda casi no ta mira danjo pero pa e chauffeur di e Corolla cual ta un paciente cu problema na nek esaki si a haci efecto riba dje. Na yegada di e ambulans nan a atende e chauffeur y a transporte pa hospital.