Diaranson mainta a drenta informe di cu tin un pelea a tuma lugar na un bar na Dominicanessnstraat y cu tin un hende herida mientras e otro partido a bay caba for di e sitio. Na yegada di e patruya a bin topa cu e victima den Zuster Cherubinestraat cu un kap na orea, esaki despues di un pelea unda ela cay riba e acera y a kap su orea. Na yegada di e ambulans nan a atende e victima y a transporte pa hospital.
