Mando Policial y Andin Bikker ta habri porta pa ex Polis saca mal noticia di Aruba INTERNACIONALMENTE!

Mientras cu ATA ta inverti miyones pa promove nos isla positivamente, mando policial y tambe Minister Andin Bikker ta habri porta pa un ex Polis Ellie Lust fiesta cu noticianan negativo. E lo usa tur e noticianan negativo aki pa pasa riba canal di Hulanda cu por wordo mira tambe via un programa cu e tin. Mas tristo ta cu e ex polis aki tabata bisti tur na uniform di Polis di Aruba. E tabata core den patruyanan di Polis. Baha cu Polis tur caminda y drenta cas di hende ora di asistencia. Esaki ta algo cu nunca antes nos a mira pasa. Nos mesun mando Policial y nos mesun Minister di Husticia Andin Bikker ta presta su mes pa saca paña sushi di bo cas benta riba caya. E mesun ex Polis ta papia cu sospechoso manera ta su asistencia. E motibo cu ta cay riba e situacion aki ta pasobra na Aruba mando Policial y Minister Andin Bikker ta purba persigui prensa. Awendia tin varios Polis na cas pasobra nan ta wordo sospecha di a duna prensa informacion. Hera un Polis papia cu prensa ya caba ta saca conclusion cu ta informacion. Parce mando Policial y Minister Andin Bikker kier pa Polis y Prensa riba caya ta enemigo di otro. Pa falta di conocimento e mandatario y esun liderando mando policial sin experiencia ta lubida cu e dosnan aki ta importante pa traha hunto. E trato total y preferencial duna na e Ex Polis Ellie Lust pa yena su programa cu rating na Hulanda cu noticianan negativo di Aruba ta algo totalmente di desaproba. Minister Dangui Oduber mester mira e cosnan aki un tiki mas critico pasobra su colega no por duna man liber pa mando Policial presta nan mes pa e cosnan aki. Hopi biaha un of mas miembro di prensa local a purba via nan media pa por tin acceso pa un programa local riba e trabou di Polis y Suceso. Nunca esaki ta logra. Awor ciegamente ta duna un civil ex polis acceso pa bisti uniform, core den auto di Polis, baha na asistencia hunga Polis, haci pregunta na antoho y haya contesta pa djey los su programa di TV den exterior pa mustra cosnan malo di nos isla. Un solo palabra: Aruba ta un bon madrastra y mal mama. Hasta den boto di Polis el a trip y monta un show completo. Bale la pena con ta trata Ellie Lust manera un reina pa manda noticia negativo di Aruba internacionalmente.

Share:

5 thoughts on “Mando Policial y Andin Bikker ta habri porta pa ex Polis saca mal noticia di Aruba INTERNACIONALMENTE!

  1. Majan mes si ta asina e persona aki mester busca otro cos pa hasi.mino ta kere cu andin ta di e degra ei pa permeti esei..mi kier tende un rueda di prensa majan mes i pregunta nan clave mester nin dilanti.

  2. Send this person back to where he came from, and ban him from ever coming back for making negative programs about Aruba.

  3. Jaloersheid no ta sirbi nadie. Prensa como awe24 y 24ora porfa no laga bo standards bai tan abou. Berdad bosonan a skirbi e artikel prome di a wak e programma. Ami a wake y mi no a wak nada malo. E rapportage a wordo haci bon zorgvuldig y claramente cu niun intention pa dana e imagen de Aruba. Porta awor aki bosonan por pidi un disculpe na e pueblo in general y na e programma?

  4. E programma ta in promosion pa Aruba su cuerpo polucial.
    Lelie Lust ta bai rond di mismo y tur Campina en ga wordo bon ricibi y trata tambe na Aruba.
    E programma ta duna nos sebidor man un tremendo aprecio pa nan trabou .
    Ta un aburso di uso e programa aki tan positivo pa ganashi politica.

Leave a Reply to ripper Cancel reply

Your email address will not be published. Required fields are marked *