Dama haya fo’i tino benta banda di Aruba Trading

Diadomingo pa mas of menos 7’or y 45 di anochi, polis y ambulance a bay den vecindario di Aruba Trading, caminda cu lo tabata tin un dama benta riba vloer. Eynan nan a bin haya e dama benta abao fo’i tino. Ambulance na e sitio a cuminsa atende cun’e mesora, pa asina purba di pone bin bij.

Por a mira dos hende homber na e sitio, di cual un di nan a declara cu na momento cu el a yega eybanda, el a tuma nota di un dama color scur benta abao. Un otro cabayero di estatura largo, tambe a bisa cu ora el a pasa eybanda, el a nota e dama benta abao. P’esey mes el a avisa un security cu tabata traha eybanda mes, kende a dirigi su mes na e sitio y a topa cu e dama.

No ta conoci ainda kico e situacion lo tabata, si ta problema e dama lo a haya y tambe si e declaracion di e hombernan lo ta concreto. Ambulance a hiba e dama hospital, pa asina haci e testnan necesario pa saca afo kico lo a causa cu e dama a bay fo’i tino.

Polis a tuma dato di tur dos cabayero.

Share:

Leave a Reply

Your email address will not be published.