• 

Diabierna merdia a drenta informe di un accidente cu hende herida na Bubali Plas riba Sasakiweg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un auto bayendo zuid cu un velocidad bastante halto a baha caminda perde control bay para te den e yerbanan na Bubaliplas. E chauffeur a logra sali y afortunadamente no a resulta herida. Polis a cancela e ambulans. E chauffeur a percura pa un takelwagen saca e auto for di eynan.