Diabierna anochi a drenta onforme di un accidente cu hende herida riba e caminda di Tanki Flip pa Hato, mesora a dirigi tanto polis como ambulans na e sitio, Na yegada dibe patruya a bin compronde cu aki ta trata di un vehiculo biniendo for di rotonde di Tanki Flip bayendo direccion Hato a baha caminda, dal e trafico contrario djey bay cay den greppel. E accidente tabata entre dos auto di mesun modelo, Honda CRV y ambos ta color preto. Un di e chauffeur envolvi den accidente a conta cu: “Net mi a caba di traha y tabata bayendo cas, ta mi fout. Mi a baha caminda, dal den e otro auto y bay cay den greppel”
Basta daño material, polis tabata tin e area cera pa trafico pa un rato. Masha poco ta haya un persona ta admiti cu e la comete un fout, na e chauffeur aki su honestidad ta remarcabel.
