Dialuna mainta a drenta informe di un accidente na Sero Patrishi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un auto no a duna e pick-up preferencia y esaki a dal e auto bire casi 90 grado y hera mand’e den mondi. Pa colmo e chauffeur di e auto no tin rijbewijs pa cual motibo e a haya un boet. Afortunadamente ningun hende a resulta herida.
