Diamars mainta a drenta informe di un accidente cu hende herida na Avenida Milio Croes, mesora a dirigi tanto polis como ambulans na e sitio. Na yegada di e patruya a bin compronde cu un hoben motociclista a bay pasa e pick-up net ora e pick-up ta bira na man robes y ta dal e bent’e abao. Debi na e sla y e caida e motociclista a resulta herida. Na yegada di e ambulans nan a atende e victima y a transporte pa hospital.
