
Diadomingo atardi a drenta informe di un accidente cu hende herida na e crusada di Moko, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di un Honda Fit a perde control y a drenta mondi dal riba un mata di kwihi. Debi na e impacto e chauffeur a resulta herida. Na yegada di e ambulans nan a atende e chauffeur y a transporte pa hospital.