![](https://www.awe24.com/wp-content/uploads/2020/03/CFD53F06-CE09-4519-9D65-9B4ED2ADA2E6-668x334.jpeg?v=1583130638)
Diadomingo merdia e mama di e victima di e caso di maltrato serio na Boroncana a yama informa cu e homber cu a maltrata su yiu ta siguiendo e den e mesun auto riba e caminda principal di Oranjestad pa Sanicolas na e momentonan ey e lo ta banda di rotonde Pos Chikito bayendo direccion pariba, mesora a alerta tur e patruyanan riba caminda pa duna un man pa captura e sospechoso. Ta te banda di Keke na Cura Cabay un di e patruyanan a topa cu e mama di e victima y e dama a declara cu e sospechoso a bira bay zuid na Zeewijk. Polisnan a busca rond pero no a topa cu e vehiculo. Nan a bay cu e dama na warda di Sanicolas y eynan a papia cu e dama. Nan a escolta e dama te na warda di polis na Shaba unda eynan e recherchenan cu ta atende e caso tabata spera riba dje pa e entrega keho.