Diabierna atardi a drenta informe di un accidente cu hende herida na Plantersrust, mesora a dirigi un ambulans na e sitio. Na yegada di e patruya a bin compronde cu aki ta trata di un accidente unda un Audi a bay tuma un bocht grandi pa bay drenta cura pero na mes momento un Nissan Versa su tras cu velocidad a bay purba pas’e na banda drechi y e Audi a manda e Versa den cura dal riba algun klinkers. Debi na e impacto e chauffeur di e Versa a resulta herida. Na yegada di e ambulans nan a atende e victima.