Tin diferente mixed-drink crea pa bartendernan certifica pero un turista kier a traha su mesun mezcla y a bay termina na hospital!

Diasabra atardi asistencia a ser pidi di strandpolitie pa bay riba e beach entre Tamarijn y Divi All-inclusive pa un turista cu lo a bira malo. Eynan polis ta bin nota un hoben cu no ta reacciona. Di biaha a pidi pa ambulance y rapidamente dos unidad a presenta pa asina duna asistencia. Mientras tanto polis a tuma dato di e persona en cuestion, pa asina saca afo kico por a pasa.Un di e personanan cu ta huur stoel na beach, a conta polis cu for di tempran caba e hoben turista aki tabata bebe varios tipo di bebida alcoholico bruha. Pa colmo un di e rumannan di e hoben, un dama, tambe tabata na werki. El a bay direccion di e beach y a dal abao. Pero na momento cu el a tende cu polis tabata na caminda, el a lanta di biaha y a bandona e sitio.A hiba e hoben turista cu a “pass out” hospital pa asina e haya tratamento medico. Despues di un rato, e otro ruman, e dama, kende tambe tabata bao di influencia di alcohol, y cuminsa bira histerico. Esaki a drenta den patruya si permiso. A papia cun’e y a logra bah’e for di auto. Un otro familiar a acerca polis, pero na un manera violento y aki ta caminda cu un problema a cuminsa. Hasta mama di e hobennan aki a cay aden y a cuminsa menasa polis. A papia cu e dama hostina aki y cos parce a calma. Personal cu ta huur e stoelnan na beach, a conta polis cu e turistanan aki ta kedando na un cas na Pos Chikito y tin dos dia ta bishitando e beach, pero net riba e dia aki nan a dicidi di bay bebe nan alma y a pass out. Esey ta un muestra cu si bo dicidi di bebe un potpouri di bebida, e consecuencianan ta p’abo. Si bo no por handle bebida, lag’e caminda cu e ta.

Share:

Leave a Reply

Your email address will not be published. Required fields are marked *