Na Shiribana un auto ta pasa dal ciclista y sigui core bay, un rato despues un Nissan March ta pasa riba e bicicleta y tambe ta sigui core bay!

Diadomingo madruga a drenta informe di un accidente cu hende herida riba e caminda di Shiribana, mesora a dirigi tanto polis como ambulans na e sitio. Na yegada di e patruya a bin compronde for di e testigonan cu nan a mira un Mercedes Benz SUV color blanco, a alcansa un cabayero di edad riba bicicleta, kende tabata bayendo direccion Paradera, pa despues sigui su caminda. Despues di un rato un Nissan March a pasa trapa e bicicleta y despues tambe sigui bay. E cabayero tabata keha di dolor na su brasa. Na yegada di e ambulans nan a atende e victima y a transporte pa hospital.

Share:

Leave a Reply

Your email address will not be published.