TEAM PRENSA ARUBA TREMPAN DEN ACCION PA YUDA POLIS GARA LADRONNAN DEN PLAYA

Den Zoutmanstraat den e area di Sociale Zaken algun conoci di Polis a horta den un auto y bay cu un aparato digital. Ta parce cu ta un laptop. Esaki tabata den oranan hopi trempan di mainta. Despues di horta nan a bay patras di parlamento y kibra drenta otro edificio parti mas abou. E momento ey no tabata conoci si a horta algo mas. E doño di e aparato horta na e prome kiebro y ladronicia banda di Social Zaken a logra sigui e señal di su aparato horta y bati alarma na Polis. Banda di un restaurant den Klipstraat a haci e prome detencion. Mientras cu tabata tin e hortamento banda di parlamento tabata tin un hende cu e sigui nan pasonan. Na yegada di Polis e persona a duna declaracion na Polis. E testigo aki a lubida su tablet patras di parlamento banda di e auto di Polis despues di papia cu Polis. Un otro persona color scur cu shirt cora y carson neon a pasa coy e tablet bay cune. Un miembro di prensa cu tabata cerca a mira y bati alarma ora e persona cana bay direccion di e caya patras di warda di Polis bieu na Playa. E miembro di prensa a core su tras. Polisnan cu a sali for di warda tambe a bin yuda. E persona cu a coy e tablet di otro hende a purba kita e shirt cora benta esaki bou di un auto pa desvia Polis. Asina mes testigonan a reconoce como e persona cu a coy e tablet. E doño di e tablet tambe a yega warda y bin tuma su tablet cu a ser horta. Declaracion di testigonan riba caya entrenan miembronan di prensa tabata crucial pa Polis gara ladronnan activo mainta prome cu solo sali.

Share:

Leave a Reply

Your email address will not be published.