Diamars atardi a drenta informe di un accidente cu hende herida na e rotonde na Wayaca, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur cu a bay subi e rotonde no a haya chens pa para y a bay dal tras di e auto su dilanti. Debi na e impacto aki e persona den e auto dilanti a sinti e dolornan di un “Whiplash”. Na yegada di e personal di ambulans a revis’e y a conseh’e si e sigui haya dolor pa e bay hospital.