![](https://www.awe24.com/wp-content/uploads/2020/03/29B04519-E6F9-4C5C-9340-A95EB3093BF3-668x334.jpeg?v=1583502430)
Diabierna madruga a drenta informe di cu un auto lo a pega candela den cura di un cas na Tanki Leendert, mesora a dirigi tanto polis como bombero na e sitio. Na yegada di e patruya a bin constata cu e auto tabata full na candela y tabata menasa otro auto y hasta e cas. Na yegada si bomberonan mesora nan a domina y paga e candela. Na e momento ey no por a saca afor kiko tabata causa di e candela.