Diasabra anochi a drenta informe di cu nan ta mira huma ta sal for di un bentana di Ling & Sons IGA, mesora a dirigi tanto polis como bombero na e sitio. Na yegada di e patruya a para busca unda e candela ta y pa colmo e alarma tabata zona. Na yegada di bombero a para busca unda te hasta a subi riba dak. Mientras a purba localisa e doño of e persona cu tin e yabi di e luga pa habri e porta pa drenta controla. Despues di a logra localisa e doño a bin haya sa cu aki ta trata di fumigacion cu a tuma lugar un rato prome y rato rato ta mira huma ta sali.