Diaranson atardi a drenta informe di un accidente cu hende herida na Ponton, mesora a dirigi tanto polis y ambulans na e sitio. Na yegada di e patruya a bin compronde cu un dama chauffeur di un Nissan Pathfinder cu un cacho chikito den scochi a bira malo tras di stuur y a bay dal riba 2 auto contrario. Polis a pidi ambulans pa e dama cu lo a bira malo y a accidenta. Na yegada di e ambulans nan a atende e dama na e sitio mes. Afortunadamente ningun otro hende a resulta herida.