Polis a detene un homber banda di e carwash patras di pompstation Santa Cruz

Diasabra anochi a drenta informe di cu un persona a yega y cuminsa papia cosnan bruha cu e trahado di e Car Wash, pabao di e pompstation di CITGO Santa Cruz, mesora a dirigi un patruya na e sitio. Net prome cu e yegada di e patruya esnan presente a nota cu e persona aki tabata sangra for di nanishi y dado momento a cuminsa core manera loco di zuid pa noord. E clientenan a spanta y lock nan mes den auto. E persona aki tabata grita cu el a dal hende cu auto. Na yegada Polis a mira e situacion y pa seguridad di esnan presente y pa e persona mes, a dicidi di deten’e. Durante cu tabata warda riba e vehiculo di transporte di detenido, e detenido a sigui papia yen cos bruha, manera cu nan a saca arma riba dje, cu un homber a sigui’e y cu e homber tabata sinta den su auto. Na yegada di e vehiculo di transporte pa detenidonan polis a haya basta dificultad pa hinca e homber cu tabata resisti fuertemente pa drenta.

Share:

Leave a Reply

Your email address will not be published.