Diaranson mainta a drenta informe di cu tin un homber herida benta abao den rooi na Sabana Liber, mesora a dirigi tanto polis como ambulans na e sitio. Na yegada di e patruya a bin topa cu un dama cu a indica un persona a par’e y a bis’e cu tin e homber benta abao y herida den e rooi. Nan a trese e homber cerca di caminda pa asina ambulans atende. Na yegada di e ambulans nan a atende e homber y a transporte pa hospital. Ta trata aki di un homber di edad cu ta biba den e area y ta pasa den e rooi como “shortcut” pa e yega su cas.