Diasabra madruga a drenta informe di un accidente panort di e rotonde banda di Superfood, mesora a dirigi un patruya na e sitio. Na yegada di e patruya a bin compronde cu aki ta trata di un chauffeur poco bebi bieniendo cu un Toyota Mark X for di Palm Beach yegando e rotonde a perde control baha caminda y a bay dal y ranca un palo di lus lagando wayanan di coriente riba caminda. Polis a sera e caminda pa trafico no pasa meymey di e wayanan. Ora a test e chauffeur ela supla un tiki riba e limite. Polis no a detene pero si a dun’e un boet. Afortunadamente ningun hende a resulta herida.