Diadomingo mainta a drenta informe di un accidente cu hende herida na e crusada Venezuelastraat cu Emmastraat, meaora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda e Suzuki Swift biniendo di pariba den Venezuelastraat no a para pa duna preferencia na e Suzuki APV di Emmastraat y esaki a bin dal riba e Swift. Debi na cu e Swift ta RHD e impacto tabata net na su banda y e chauffeur a resulta herida. Na yegada di e ambulans a atende e victima y a transporte pa hospital cu dolor di cabes cu nek.