Den oranan di anochi Guarda Costa a señala un contacto sospechoso den lama cerca di Curaçao. Despues di a detecta e contacto sospechoso, e Centro di Operacion Maritimo di Guarda Costa a dirigi inmediatamente un boto di patruya Metal Shark y e helicopter di Guarda Costa na e boto sospechoso pa observa mas cerca.
Unabes na e lugar, e tripulacion di e helicopter a mira un embarcacion sospechoso cerca di St. Jorisbaai, e embarcacion a keda pega den e mangelnan di St. Joris y e dos hombernan cu tabata abordo a huy. Guarda Costa y polis a bin haya mas di 770 kilos di droga den e embarcacion. Tambe a bin logra haya 7 arma di candela abordo. E droga, e armanan y municionnan a ser transferi na cuerpo policial di Curaçao. For di e momentonan ey e droga a ser destrui.