Diaranson mainta a drenta informe di un accidente cu hende herida na Caya Ernesto O. Petronia, mesora a dirigi tanto polis como ambulans na e sitio. Na yegada di e patruya a bin compronde cu un motociclista bayendo direccion di Oranjestad a kere cu tin un fila largo y a bay pasa un pick-up Chevrolet grandi pero dilanti di esaki un Mazda CX3 tabata wardando pa bira bay para den un parkinglot pero diripiente e motociclista a purba evita dal den e Mazda pero e impacto tabata inevitable y a bay dal tras di esaki. Debi na e impacto e motociclista a resulta herida. Na yegada di e ambulans nan a atende e victima y a transporte pa hospital. E motorcycle ta uno cu ela cumpra siman pasa y manera e foto ta indica e tin apenas 14 Kilometer so cori.