Diaranson atardi a drenta informe di un accidente na Tanki Leendert pabao di Big Bazaar, mesora a dirigi un patruya na e sitio. Na yegada di e patruya a bin compronde cu aki ta trata di un accidente di cadena entre 3 auto unda e chauffeur di un Toyota Harrier no a regula su velocidad ni a mantene distancia a bay dal basta fuerte tras di e Toyota Tercel y consecutivamente a bay dal tras di e Nissan Leaf. Mientras cu polis tabata tumando e declaracionnan un persona a raporta di ta sinti dolor na su nek y lomba. Na yegada di e ambulans nan a atende e victima na e sitio mes.