Awe mainta na oficina di Ibisa a tene un rueda di prensa unda a anuncia e fecha oficial pa e conocido “IBISA Kids Run & Olympic Day Celebration 2025”. Esaki ta organisa door di Ibisa y Comite Olimpico Arubano. E evento lo tuma luga diasabra 21 di juni riba Vondellaan, unda cu COA lo organisa un tremendo “showcase” di nos deportenan local a traves di nos federacionnan miembro pa asina celebra e dia Olimpico internacional. Evento lo cuminsa trempan unda cu desde di 6or di mainta lo tin ambiente y lo sigui cu e celebracion te  cu merdia. Keda pendiente pa mas informacion cu lo wordo comparti durante e próximo simannan. #TEAMARU