Diabierna atardi ya problemanan a cuminsa banda di e hotelnan na Palm Beach, ora cu a drenta informe di cu tin un pelea andando na un di e hotelnan na Palm Beach unda un grupo di turista a lanta contra un persona cu lo a dal un turista femenino den cara te cu ambulans mester a bini pa atende. Tur esaki a bin ta escala cu gritamento unda cu ora ambulans tabata atendiendo un persona e otro turistanan a aglomera rond di e ambulans y polis mester a pone ordo na e sitio pero e personanan aki bao influencia di alcohol y posiblemente otro substancianan tabata desobedece e ordo di 2 polis contra famianan. E personal di ambulans a haya un chens y a core subi puntra polis si mester pidi refuerso y a bay ya cu polis mes a pidi refuerso. A logra detene un persona masculino prome, despues un otro masculino. Na e momentonan ey polis a detene un femenino cu tabata stroba e trabao di polis y finalmente a detene esun cu lo a propina e mokete ora cu refuerso a yega. En total tabata tin 4 detencion na e sitio. Mirando e situacion por spera mas problema den oranan di anochi na e clubnan nocturno.