Diadomingo mainta, e Centro di Operacionnan Maritimo di Guarda Costa a ricibi un yamada di Cuerpo Policial di Curaçao pidiendo asistencia pa un incidente den e Parke Christoffel. Unda un pareha local di edada ser ataca pa un gran cantidad di abeha mientras nan tabata cana den e parke. Como cu e homber ta alergico na e picanan di abeha, tabata necesario un atencion medico rapido. E helicopter di Guarda Costa a ser dirigi inmediatamente pa localisa y evacua e pareha. Despues di un exitoso operacion di rescate, nan a ser traslada pa Hato, unda un ambulans tabata cla wardando pa hibanan na e Centro Medico di Curaçao (CMC) pa ricibi mas atencion medico.