Diahuebs atardi a drenta informe di un accidente cu hende herida pariba di Pacifico Paradera, mesora a dirigi tanto polis como ambulans na e sitio. Na yegada di e patruya a bin compronde cu e Nissan Skyline biniendo for di pariba cu velocidad halto a perde control dal na acera bay banda robes di caminda dal un Hyundai Getz contrario pushe pa bay dal e vangrail ranca e wiel di e Getz kibra y bir’e 180 grado. Den e Getz tabata tin 2 persona di edad cu tin operacion haci y tabata keha di dolor. Na yegada di e ambulans nan a atende ambos victima na e sitio mes y a avisa nan pa si sigi cu e dolor pa nan bay nan dokter di cas. Pa locual ta e Skyline ela haya un sla basta fuerte dilnti banda di e wiel unda a pusha esaki kibra bay atras.