Dialuna mainta a drenta informe di un accidente cu hende herida pariba di e rotonde Balashi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Nissan March no a regula su velocidad ni a mantene distancia a bay dal tras di un Suzuki Celerio y maske a purba kita pa evita e impacto toch ela bay dal tras di e Celerio, debi na e impacto aki e chauffeur di e March a resulta herida. Na yegada di e ambulans nan a atende e chauffeur na e sitio mes. Debi cu ambos auto a haya basta daño takelwagen mester a bin hala ambos auto.