Kooyman Aruba ta celebra 60 aña
Aña pasa, Kooyman a celebra 85 aña como compania, y e aña aki, Kooyman Aruba ta celebra su 60 aniversario. Funda na Corsou y expandiendo pa Aruba na 1965, Kooyman a crece bira e rebendedor di hardware, material di construccion y productonan pa cas mas importante den Caribe, cu localidadnan na Aruba, Curacao, Bonaire, St. Maarten, y Barbados. E exito duradero di e compania ta wordo atribui na su dedicacion na productonan di calidad, servicio na cliente y compromiso cu comunidad.
Pa e ocasion aki, Kooyman a lansa un campaña di “Scratch & Win” (raspa y gana) cu hopi premio pa su clientenan. E campaña ta tuma lugar for di 1 te cu 29 di juni 2025.
“Shop, Scratch & Win!” cu Kooyman y Fun Miles
Clientenan por gana premio door di participa den e wega di Scratch & Win den e app di Fun Miles. Participacion ta facil, cu bo compra di Awg. 60 of mas na Kooyman, bo ta scan bo carchi of app di Fun Miles pa ‘unlock’ (habri) e wega y hunga e ‘Scratch & Win’ den e app di Fun Miles. Tur cliente cu participa den Scratch & Win, ta participa tambe automaticamente pa un chance di gana e Premionan Principal.
Premionan Principal di e Campaña
Prome Premio: 60 seconde di compras gratis na Kooyman; di Dos Premio: 60.000 Fun Miles; di tres Premio: gift card di Awg. 600 di Ling & Sons.
E “Scratch & Win” tin tambe premionan yama ‘Golden Prizes’ cu ta premionan di Kooyman of su partnernan pa cu e celebracion di 60 aña Kooyman Aruba. Esakinan ta varia entre Gift card di Ling & Sons di Awg 100 (x4), Botica di Servicio di Awg 100 (x6), Parfois di Awg 100 (x2), Gift card di Kooyman di Awg 250 patrocina pa Prime Source Building Materials (x1), Gift card di Kooyman di Awg 100 patrocina pa Toledo (x5) Gift card di Kooyman di Awg 175 patrocina pa El Louvre (x3) y productonan di Kooyman.
Mas Celebracion, Mas Premio
Ademas di tur e premionan menciona lo tin tambe 1 galon di verf blanco, patrocina pa Global Paint (x200), Kooyman Gift card di Awg. 60 (x10), y Awg 35 (x1) patrocina pa Prime Source Building Materials, productonan di Kooyman y articulonan promocional di Kooyman. Diferente ‘voucher’ di Ling & Sons: 50 Bonus Miles of 2x Fun Miles riba bo siguiente compra na Ling & Sons; na Parfois: 2x Fun Miles riba bo siguiente compra y Pearle Vision: 20% di descuento riba bril di solo riba bo siguiente compra. Tambe, lo por haya ‘Bonus Miles’ durante di e campaña, ta nifica cu clientenan mester keda pendiente y corda scratch pa por gana premio.
Masha Danki!
Kooyman ta gradici su partnernan den e gran celebracion; Fun Miles, Ling & Sons, Global Paint, El Louvre, Botica di Servicio, Parfois, Pearle Vision, Prime Source Building Materials, Toledo, y Henry. Clientenan por busca nan premio prome cu 2 di july 2025, usando e voucher den e app di Fun Miles, sea na e ‘ Kooyman PRO desk’ of manera indica den e instruccionnan di e voucher. Termino, – condicionnan di campaña y mas detaye ta disponibel riba kooymanbv.com/60years
Laga nos haci e celebracion uno grandi! Kooyman ta extende su gratitud na e pueblo di Aruba pa 60 aña di confiansa y sosten, y ta mira padilanti pa construi hopi mas recuerdo, hogar y futuro hunto.
