Diabierna mainta a drenta informe di un accidente cu hende herida dilanti Anytime na Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e dama chauffeur di e MG s.u.v. biniendo for di Rooi Afo no a wak ni a duna preferencia na e Toyota Agia biniendo for di Sero Patrishi bayendo nort. Debi na e impacto ela resulta levemente herida. Na yegada di e ambulans casualmente pasando ey dilanti a topa cu e accidente y a atende e dama mas tanto spanta na e sitio mes.