Diadomingo atardi a drenta informe di un accidente cu hende herida na Palisiaweg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un brommer. E auto maneha pa un dama a sali dilanti un dama motociclista kende a purba evita e impacto pero toch a resulta herida. Na yegada di e ambulans nan a atende e dama cu a fractura su enkel y tabata tin algun rasca na su curpa.