Diaranson atardi a drenta informe di un accidente cu hende herida banda di Cede di M.E.P. na Santa Cruz, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un auto a yega na e crusada “T” y a bira na man robes sin a duna preferencia na e trafico contrario y nan a dal den otro. Debi na e impacto ambos chauffeur a resulta herida. Na yegada di e ambulans nan a atende ambos persona herida.